“O’zpartamponaj” Aktsiyadorlik Jamiyati to’g’risida MA’LUMOT

     «O’zpartamponaj”» OAJ («O’zpartamponaj» aktsiyadorlik jamiyati)   neft-gaz konlarida burg’ulangan quduqlarga tushirilgan mustahkamlovchi va ekspluatatsion quvur atrofini tsementlash, ularni o’zlashtirish, burg’u qorishmalarini tayyorlash, quduqlarni to’la ta’mirlash, maxsus tamponaj texnikasi va avtotransport bilan ta’minlab kelmoqda. Buxoro viloyati Qorovulbozor shahrida joylashgan. «O’zbekneftgaz» MXK ga qarashli «O’zgeoburg’uneftgaz» AK tarkibiga kiradi. O’zbekiston Respublikasi Mustaqillikka erishgandan keyin  “O’zbekneftegaz” Miliy Xolding Kompaniyaning 1999 yil 18 oktyabrdan 125-sonli buyrug’i va “O’zburg’uneftegaz” aktsiyadorlik kompaniyasining 1999 yil 21 oktyabrdagi 174-v sonli buyrug’iga asosan “O’zpartamponaj” ochiq aktsiyadorlik jamiyati bo’lib faoliyat yuritib kelmoqda. “O’zpartamponaj” OAJ tasarrufida chorvador yordamchi xo’jaligi va NTM «Buxoro o’quv kursi kombinati» mavjud. “O’zpartamponaj” OAJ tassarrufida jami 84 dona avtotransport vositasi bo’lib, shundan 33 dona maxsus ANTS-320, 6 dona chet elda ishlab chiqarilgan ACHF-400/1050, 12 dona maxsus SMN-20, 2 dona maxsus BM-700, 2 dona SKTS-2m, 1 dona maxsus PPUA tamponaj texnikalari, 7 dona avtobus, 19 dona turli hildagi avtotransport vositalari va 2 dona mexanizmdan iborat.

1999-2013 yillar mobaynida jamoamiz xorijiy firmalar, kompaniyalar OOO “Lukoyl Uzbekistan Operayting kompaniyasi” va « Eriell Corporation s.r.o. » bilan hamkorlikda ish olib bormoqda.

Mehnatni muhofaza qilish va texnika xavfsizligini rioya etish chora-tadbirlar ishchi-xodimlarni xavfsiz ishlashni, ularni himoya moslamalari bilan to’liq ta’minlanishi, ularning kasb bo’yicha yo’riqnomalar bilan ta’minlanib yil davomida kasb bo’yicha malakasini oshirish uchun sinf xonasi kompyuter, televizor, adabiyotlar, qo’llanmalar bilan to’liq jihozlashtirilgan. Ishchi-xodimlarning sog’ligini nazorat etish, ular yiliga shifokor ko’rigidan o’tkazish ishlari amalga oshirib kelinmoqda.

2013 yil 14 fevralda qabul qilingan Prezidentimizning “Obod turmush yili” Davlat dasturini tasdiqlash to’g’risida” gi Qarorida mamlakatimiz ijtimoiy-iqtisodiy, ma’naviy hamda siyosiy hayotini rivojlantirishning ustuvor yo’nalishlari, aholi farovonligini oshirish, har bir oilada, jamiyatimizda ijtimoiy barqarorlik, tinchlik va totuvlikni ta’minlash yo’llari aniq belgilab berilgan. “O’zpartamponaj” OAJ 2013-yil “Obod turmush yili” munosabati bilan jamiyatimizda obodonlashtirish ishlari yanada kuchaytirildi. Ko’rkam va chiroyli, shu bilan birga tinchlik va osoyishtalik, o’zaro mehr-oqibat, ahillik, fayz-baraka hukmron bo’lgan joylarda doim pok niyat va sog’lom intilish bilan yashashni tasavvur etib bo’ladi. Obod xonadon, obod mahalla-Vatan qudratini oshiradi degan so’zlarni jamiyatimizda ilgari suramiz. Vatan ravnaqiga ravnaq, qudratiga qudrat qo’shish, shon-sharafi, obro’si, mavqesini oshirish har bir fuqaroning burchi ekanligini  yoshlarimizga ta’kidlab o’tdik.  Jamiyatimiz yoshlariga iste’dodli shoirimiz Abdulla Oripov e’tirof etganidek: “Inson farzand uchun o’z uyi, o’z yurti, o’z Vatanini obod qilishga munosib hissa qo’shishdan ham ortiq baxt yo’q”ligini aytib o’tdik. Zero nafaqat jamiyatimiz balki jonajon vatanimizning obod va tinchligi yo’lida barcha ishlarni amalga oshirish barchamizning burchimiz deb hisoblaymiz.

“Kamolot” YoIH boshlang’ich tashkiloti tashabbusi bilan 8-mart Xalqaro xotin-qizlar bayrami munosabati bilan xotin-qizlar o’rtasida “CHevar qo’llar” bellashuvi, Navro’z bayrami munosabati bilan tuman Kamolot YoIH va Kasaba uyushmasi qo’mitasi bilan hamkorlikda sport musobaqalari o’tkazilib faxrli o’rinlarni egallab kelishmoqda. Nafaqada va kam ta’minlangan, nogironlar holidan doimiy ravishda xabar olish, 9-may Xotira va qadrlash kunida faxriylar, urush-faxriylarini o’tganlarni yodga olib keng davra yig’inlari tantanali ravishda o’tkazilib ularga estalik sovg’alar bilan ta’minlandi. Har yili 1-iyun “Xalqaro bolalarni himoya qilish kuni ” munosabati bilan tumandagi “Zumrad” maktabgacha ta’lim muassasi tarbiyalanuvchilarni bayram munosabati bilan tabrikladilar, sovg’alar ulashildi. Viloyatimizdagi madaniyat bog’i, istirohat bog’i, qo’g’irchoq teatriga sayohatlar uyushtirildi.

Jamoamizda ma’naviyat va ma’rifat xonasi mavjud bo’lib “Kamolot” YoIH tomonidan to’la jihozlantirilgan.

Jamiyatimiz ishlab chiqarish hajmining bajarilish ko’rsatgichlari 2011 yilda 10966,0 mln, 2012 yilda 13966,0 mln, 2013 yilda 14328,0 mln so’mni tashkil etdi.

Yigirma ikki yil davomida korxonani modernizatsiya, yangi texnika texnologiyalar olib kirish, tsementlash ishlarini sifatli olib borish ishlari amalga oshirildi va kelgusida korxona yangi maxsus tamponaj texnikalarini olishda amaliy ishlar olib borilmoqda:

• 2002 yilda AQSH da ishlab chiqarilgan SS-952 Kenvord agregati,
• 2008 yilda Xitoyda ishlab chiqarilgan 2 dona Belfang-bench agregati,
• 2009 yilda Rossiyada ishlab chiqarilgan 2 dona Ural TSA-320 agregati
• 2012 yilda Rossiyada ishlab chiqarilgan 1 dona Ural avtotsisterna
• 2009-2011 yillarda Lizing asosida 5 dona MIDIBUS NP21 avtobus
•  2 dona ISUZI SAZ NQR71PL yuk tashuvchi avtotransport
• 2013 yilda O’zbekistonda ishlab chiqarilgan 1 dona NEXIA rusumli yengil avtomashina
• 2013 yilda O’zbekistonda ishlab chiqarilgan 1 dona MAN 96.280 rusumli suv tashish uchun muljallangan avtotsistserna
• 2013 yilda Rossiyada ishlab chiqarilgan 1 dona Ural-48531 rusumli 2BM-70 maxsus tamponaj texnikasi
• 2013 yilda Rossiyada ishlab chiqarilgan 1 dona Ural-32551-0013-61 rusumli SKPTS maxsus tamponaj texnikasi

O’zbekiston Respublikasi Vazirlar Mahkamasining 2011 yil 21 yanvardagi 1-sonli majlis bayoni va 2011 yil 1-fevraldagi 06/8-106 sonli hamda 2011 yil 8 fevraldagi 07-6-3- sonli yig’ilish bayoniga muvofiq, kasb-hunar kollejlari bitiruvchilarining egallagan kasb mutaxassisliklari bo’yicha amaliyot o’tashi va ish bilan ta’minlash ishlari amalga oshirildi.

2011 yil Buxoroneftgaz kolleji talabalaridan 25 nafar bitiruvchilari amaliyot o’tashdi shundan 9 nafar talaba mutaxassisligi bo’yicha ish bilan ta’minlandi.

2012 yilda Buxoroneftgaz kolleji bitiruvchi talabalaridan 10 nafar talaba amaliyot o’tashdi va 9 nafari ish bilan ta’minlandi.

2013 yilda Buxoroneftgaz kolleji bitiruvchi talabalaridan 9 nafar talaba amaliyot o’tashdi va 2 nafari ish bilan ta’minlandi.

Qorovulbozor neft va gaz sanoat kasb hunar kolleji talabalaridan 13 nafari mutaxassisligiga ko’ra ish bilan ta’minlandi.

O’zbekiston Respublikasi Prezidentining 2006 yil 5 yanvardagi “Yirik sanoat korxonalari bilan kasanachilikni rivojlantirish asosidagi ishlab chiqarish va xizmatchilar o’rtasida kooperatsiyani rag’batlantirish chora-tadbirlari to’g’risida”gi PF-3706-sonli Farmonining ijrosini ta’minlash maqsadida “O’zpartamponaj” OAJ da kasanachi-tikuvchi lavozimlari bo’yicha yangi ish o’rinlari yaratildi.Hozirgi kunga qadar “O’zpartamponaj” OAJ kasanachi-tikuvchi ishchilar soni 28 nafarni tashkil etadi.

“O’zpartamponaj” OAJ shu davrgacha iqtisodiy rivojlanishiga yetakchilik qilgan rahbarlarimizdan:

1. Tinaev Vyacheslav Musaevich 1979-1994 yy;
2. Xojiev Toshpulat SHaripovich 1994-2010 yy;
3. 2010-yildan hozirgi kunga qadar boshqaruv raisi Suyarov Baxriddin Ovlokulovich.

Bundan tashqari jamoamizning yetakchi yosh muhandis texnik xodimlar Suyarov B.O., Boltaev D.I., Xojiev SH.T., Olimov J.K., SHaripov D.S., Davronov N.J., Samadov SH.Yu.

Jamoamizda 15 nafar xotin qizlar bir necha yillar davomida o’z mehnatlari bilan hurmatga sazovor bo’lgan xotin-qizlardan: Yusupova G.A., Rajabova G.R., Atraubaeva K.S.

Jamoamizda ko’p yillar davomida mehnat qilib jamoamizning iqtisodiy rivojlanishiga o’z mehnatlari bilan xissa qo’shgan, yetishib kelayotgan yosh ishchi kadrlarni kasbga bo’lgan intilishi, bilimga bo’lgan talabchanligini ko’rib ularga tamponaj texnikalarni boshqarish texnologiyalarini o’rganishi uchun o’z ko’nikma va bilimlarini ayamay o’rgatib yuqori malakali motorist-xaydovchilarni tarbiya qilishda ko’maklashgan. Hozirgi vaqtda nafaqa gashtini surayotgan motorist-haydovchi va muhandis texnik-xodimlarimizdan:

1. SHamsiddinov Sobir
2. Alimdjanov Xayrulla

Motorist-xaydovchilardan:

1. Yodgorov Otamurod
2. Toshev Juma
3. Djalaldinov Zikriya
4. Djalmuxamedov Yo’ldosh Djumabekovich
5. Yo’ldoshev Qaroboylar bilan faxrlansa arziydi.

Ko’p yillik mehnatlarini inobotga olib davlatimiz tomonidan 2012 yil Respublikamizning Mustaqilligini 19 yilligi munosabati bilan Xojiev Toshpulat SHaripovich, Erov O’ktam Rajabovich ko’krak nishoni bilan taqdirlantirildi. 2011 yilda Respublikamizning Mustaqilligiga 20 yil to’lganligi munosabati bilan Djalmuxamedov Yuldosh Djumabekovich “20 yil esdalik nishoni” bilan taqdirlandi.